Post-4

កណ្ដាល៖ កាលពីថ្ងៃសុក្រ ៤រោច ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថៃ្ងទី២១ ខែមិថុនា ឆ្នាំ២០១៩ វេលាម៉ោង១២និង៥០នាទីស្ថិតនៅភូមិព្រៃរកា ឃុំឆក់ឈើនាង ស្រុកអង្គស្នួល ខេត្តកណ្ដាល មានអគ្គិភ័យមួយ បានធ្វើឲ្យអ្នកស្រុក និងសមត្តកិច្ចមានការផ្ញាក់ផ្អើល ដោយមានរថយន្តមួយគ្រឿងឆ្លងចរន្តអគ្គិសនី បណ្ដាលឱ្យឆេះរថយន្ត០១គ្រឿង ម៉ាកហ៊ីយាន់ដាយ ពណ៌ស ពាក់ស្លាក់លេខកំពង់ចាម ៣A.៣២.១៥។ ម្ចាស់រថយន្ដឈ្មោះ អៀន អេច ភេទ ប្រុស អាយុ១៩ឆ្នាំ មានទីលំនៅ ភូមិចំបក់ ឃុំថ្មពេជ្រ ស្រុកកំពង់ថ្ម ខេត្តត្បូងឃ្មំ។ សមត្ថកិច្ចបានឲ្យដឹងថា ករណីខាងលើនេះ មូលហេតុគឺបណ្ដាមកពីទុស្សេខ្សែអាគុយ។ ការឆ្លងឆេះរថយន្តនេះ ក្រុមពន្លត់អគ្គិភ័យ ប្រើរថយន្តពន្លត់អគ្គីភ័យរបស់ការិយាល័យនៃស្នងការដ្ឋាននគបាលខេត្តកណ្ដាល អស់ចំនួន០២គ្រឿង ទើបរំលត់អស់ជាស្ថាពរ។ គួរំលឹកថា ករណីដូចខាងលើនេះ តែងតែកើតមានជាយថាហេតុជាញឹកញាប់ គួរបងប្អូនអ្នកមានរថយន្ត ត្រូវមានការប្រុងប្រយ័ត្ន ហើយត្រួតពិនិត្យឲ្យបានត្រឹមត្រូវមុនពេលបើកបរ ជាពិសេស អ្នកបើកបររថយន្តដែលប្រើហ្គាស់៕

ព្រះសីហនុ ៖ (ដំណឹងបឋម) អគារកំពុងសង់ថ្មីមួយកន្លែង កម្ពស់៧ជាន់ នៅជិតកន្លែងលាងរថយន្តអារុណរះ ស្ថិតក្នុងវិថី៧មករា ផ្លូវលេខ២០០ សង្កាត់លេខ៤ ក្រុងព្រះសីហនុ បានបាក់រលំនៅវេលាម៉ោង៤៖៣០នាទីព្រឹក ថ្ងៃសៅរ៍ ទី២២ ខែមិថុនា ឆ្នាំ២០១៩នេះ។ បើតាមសេចក្តីរាយការណ៍ បានឲ្យដឹងថា នៅបរិវេណកន្លែងលាងរថយន្តអារុណរះ និងផ្ទះពលរដ្ឋម្ខាងទៀតដែលនៅជាប់នោះ ក៏ទទួលរងផលប៉ះពាល់ និងរងការខូចខាតរថយន្ត និងទ្រព្យសម្បត្តិមួយចំនួនពីការបាក់រលំអាគារនេះផងដែរ។ សេចក្តីរាយការណ៍បន្តថា មានមនុស្សមួយចំនួនភាគច្រើនជាកម្មករបានជាប់ក្នុងគំនរអាគាររលំបាក់នេះ ប៉ុន្តែភ្លាមៗមិនទាន់ដឹងពីចំនួនពិតប្រាកដ ឬមានអ្នកស្លាប់ និងរបួសប៉ុន្មាននាក់ឡើយ តែរហូតមកដល់ម៉ោងនេះរកឃើញអ្នកស្លាប់ចំនួន៣នាក់  និង របួស ១៣នាក់ ក្នុង ចំណោម កម្មករ ធ្វើការនៅក្នុងការដ្ឋាននេះ មានប្រមាណជា១០០នាក់។ តាមសាក្សីជាកម្មករសំណង់ ដែលបានចេញរួចពីក្នុងអគារ បានឲ្យដឹងថា នៅក្នុងអគារមានកម្មករសំណង់ ស្នាក់នៅតាមបន្ទប់នានា ចាប់ពីជាន់ទី២ រហូតដល់ជាន់ទី៦ រីឯជាន់ទី៧&៨ មិនមានកម្មករស្នាក់នៅឡើយ។ ក្រោយកើតហេតុ ក៏មានមានជនរងគ្រោះខ្លះបានលូនចេញរួច ប្រហែលជាង១០នាក់ ក្រៅពីនោះនៅជាប់ក្នុងអគារនៅឡើយ។ ករណីនេះ លោកឧត្តមសេនីយ៍ត្រ...

ភ្នំពេញ៖ ក្រោយពីកាត់ផ្លាកប៉ាន់ណូ ចំនួន៣ផ្ទាំង និងដកហូតដែកអេតចាយមួយចំនួន មករក្សាទុកបណ្ដោះអាសន្នពីក្រុមអាជីវករ នាថ្ងៃម្សិលមិញ កម្លាំងគណៈបញ្ជាការឯកភាពខណ្ឌឬស្សីកែវ នៅតែបន្តចាត់វិធានការក្ដៅដដែល ក្នុងកាត់ផ្លាកយីហោចំនួន ០៥ផ្ទាំងទៀត ដែលបានរំលោភលើចំណីផ្លូវសាធារណៈរបស់រដ្ឋ និងតម្លើងអក្សរខុសពីអក្សរជាតិ ដោយគ្មានការអនុញ្ញាតពីក្រសួងវប្បធម៌ និងវិចិត្រសិល្បៈ ក្នុងយុទ្ធនាការរំដោះចំណីចិញ្ចើមផ្លូវ ចាប់ពីចំណុចភ្លើងស្តុប៦២R ក្នុងភូមិផ្សារតូច សង្កាត់ទួលសង្កែទី១ នៅតាមសងខាងបណ្ដោយផ្លូវជាតិលេខ៥ ព្រំប្រទល់សង្កាត់ស្រះចក ខណ្ឌដូនពេញ រហូតដល់ស្ពានលោកឧកញ៉ា លីយ៉ុងផាត សង្កាត់ស្វាយប៉ាក ខណ្ឌឫស្សីកែវ ។ វិធានការក្ដៅរបស់កម្លាំងគណៈបញ្ជាការឯកភាពខណ្ឌឬស្សីកែវនេះ ដឹកនាំដោយតំណាងលោក ជា ពិសី អភិបាលខណ្ឌ និងជាសមាជិកក្រុមលេខាសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា គឺលោកស្រី សួស សូលីដា អភិបាលរងខណ្ឌ និងលោក ស៊ូ សារ៉ាត់ នាយករងរដ្ឋបាលខណ្ឌ មន្ត្រីពាក់ព័ន្ធមួយចំនួន និងកងកម្លាំងជិត៤០នាក់ ក្រោមការបញ្ជាដោយផ្ទាល់ពីលោក ឃួង ស្រេង ប្រធានគណៈបញ្ជាការឯកភាព រាជធានីភ្នំពេញ។ គួររំឭកផងដែរថា ក្នុងយុទ្ធនាការបន្តរំដោះចំណីចិញ្ចើមផ្លូវ របស់គណៈបញ្ជាការឯកភាពខ...